MANILA, Philippines - Kaagad na nakakuha ng buwelo si Edison ‘Tonton’ Dungca ng Pampanga sa labanan para sa National Association of Filipino Offroaders (NAsFOr) Driver of the Year matapos paghaÂrian ang kickoff leg, ang Third Gov. Jun Ebdane 4x4 Challenge, noong Linggo sa Iba, Zambales.
Naglista si Dungca ng total time na 37 minuto at 36:24 segundo sa tatlong mahihirap na kurso, ayon kay Eric Matibag ng Zambales Sports and Youth Development Office na nag-organisa ng event.
Pumangalawa naman si Roger Peyra ng Bicol mula sa kanyang oras na 39:08:49 kasunod si Jojo Javier ng Pampanga na nagtala ng 40:30:39 sa nasabing two-day event na nilahukan ng 23 drivers mula sa iba’t ibang offroad clubs sa bansa.
Ang nag-iisang female racer na si Maila Alivia ng Isabela ay pumang-apat sa kanyang oras na 43:56:06 kasunod si veteran Pol Herrera ng Bulacan na may 44:01:30.