Pacquiao pinabagsak ang BIR sa kaso ng tax records

MANILA, Philippines - Ibinasura kahapon ng Department of Justice (DOJ) ang kasong isinampa ng Bureau of Internal Revenue (BIR) laban kay Filipino bo­xing superstar  Manny Pac­quiao.

Sa isang eight-page re­solution, sinabi ng DOJ na hindi dapat managot si Pac­quiao ukol sa hindi niya pag­sunod sa BIR subpoena na hindi naman niya natanggap.

Ayon sa DOJ, ang pagdadala ni BIR Officer Abdul Jalil J. Taratingan ng subpoena sa General Santos Ci­ty na sinasabing natanggap ni Jocelyn Nebria ay ta­liwas sa Revenue Memo­ran­dum Order No. 88-2010 na nag-uutos na personal itong ihatid sa mismong tao.

“It is only upon refusal of the person being summo­ned to receive the subpoena that a substituted service can be availed,” sabi ng DOJ.

Inihayag ng DOJ na da­hil walang reklamo si Pacquiao sa pagtanggap niya ng subpoena, ang BIR case ay ‘irregular’ at ‘ineffectual

“The service of summons is, indeed, a vital and in­dispensable ingredient of due process. Such denial of res­pondent’s vital right cons­titutes a serious infirmity in the proceedings which led to the filing of this case against him,” wika ng DOJ sa kanilang resolusyon.

Inakusahan ng BIR si Pac­quiao ng paglabag sa Sec­tion 266 ng Republic Act 8424 na mas kilala bilang Na­tional Internal Revenue Code of the Philippines.

Sinabi ni BIR regional director Rozil Lozares na hindi pinansin ni Pacquiao ang kahilingan nilang iprisinta ng Sa­rangani Congressman ang kanyang tax records.