DALLAS--Tuluyan nang inalis ng Dallas Mavericks si guard Delonte West sa kanilang koponan.
Nauna nang naging bahagi si West ng malaking pagbabago sa Dallas. Ngunit nagdesisyon ang Mavericks na alisin na si West sa kanilang line-up nang mapatawan ng kanyang ikalawang sunod na suspensyon ang point guard dahil sa ‘conduct detrimental to the team’.
Tinanggal ng Dallas si West para makuha si Eddy Curry, isang journeyman center na pinakawalan ng San Antonio Spurs.
Maglalaro si Curry para sa Mavericks sa kanilang season opener laban sa Los Angeles Lakers dahil may mga injury sina Chris Kaman at backup Brandon Wright.
Inihayag na ni West, may bipolar disorder, sa kanyang Twtter account na hindi na siya kukunin ng Dallas.
Nasangkot ang eighth-year pro sa dalawang insidente sa locker room sa preseason.
Sa kanyang paglalaro noong nakaraang season, nakatuwang si West nina point guard Jason Kidd at Jason Terry. Ngunit bumata naman ang backcourt ng Mavericks matapos mahugot si Darren Collison mula sa Indiana.