NARITO ang mga pagkain na nararapat kainin para maging malusog ang pangangatawan:
1. Gulay at prutas – Masustansya ang lahat ng gulay tulad ng pechay, kangkong, ampalaya, malunggay at marami pang iba. Mabuti ito sa tiyan, bituka at sa buong katawan. May taglay itong fiber, bitamina at minerals. Masustansya din ang mga prutas tulad ng saging, mansanas, pakwan at iba pa. Huwag lang dadamihan ang pagkain ng prutas dahil may asukal din ito na puwedeng makataba kung sosobra ang kakainin.
2. Isda – May taglay itong mega-3 fatty acids na makatutulong sa puso at utak. Ang mga taong umaabot sa edad 100 ay mahilig kumain ng isda, mani, beans at gulay. Mas masustansiya ang protina ng isda kumpara sa baboy at baka.
3. Mani, beans at tokwa – May taglay na protina (vegetable protein) ang mani at beans. Napakaganda nito sa katawan. Ang protina mula sa mani at beans ay mas masustansya kumpara sa protina mula sa baboy at baka. Kung hindi naman mataas ang uric acid ninyo sa dugo, puwede kayong kumain ng mani at beans.