Ang wakas ng mundo ay hindi naganap
palibhasa’y hula masamang pangarap;
dahil sa takot kong mundo nga’y magwakas
ang katauhan ko’y sa langit umakyat
Sa dakilang Ama ako ay nanghiram
ng kanyang karwahe na hila ng araw;
sa kanya’y sinabing ang hangad ko lamang
makita kung paanong mundo’y magugunaw!
Pumayag ang Ama at ako’y naglakbay
lahat ng planeta’y nasa ayos naman;
ang mga asteroids,buntala at buwan
sa ating daigdig ay naglalampasan!
Sa paglalakbay ko ay aking nakita
ang higanteng STAR na ubod ng ganda
nang ako’y pumasok ay naroon pala
publishers, editors mga reporter pa!
Nagbyahe na akong pabalik sa langit
karwahe ng Ama’y aking isinulit;
nagtawa ang Ama siya’y hindi nagalit
pagka’t tayong tao’y kanya pang tangkilik