Kabataang kawal nitong ating bansa
Maraming nalagas maraming nawala
Sinong nagkamali sino ang may gawa –
Mga kapwa kawal mga lider kaya?
Kabataang kawal parang ipinain
Sa isang labanang kulang pa sa timing
Kulang pa sa armas kulang sa pagkain
Kulang pa sa dunong di alam ang terrain!
Bilang ng kalaban hindi nila alam
Sa buong Mindanao sa bundok at bayan;
May Abu, BIFF at mga tulisan
Na palaging handa sa mga kalaban!
Leaders at tauhan ng NPA, terrorists
Lahat sila’y handa sa labanang mababangis
Armas natin ay mahina armas nila’y malalakas
Mga armas nila ay pawang imported
Sa sitwasyong ito anong mangyayari?
Tiyak na bulagta tauhan ng army;
Ang ating opisyal at ang president
Mga kalaban pa ang gustong kakampi!
Hindi natin akalain sa mga kaaway
Ibibigay natin ang Mindanao?
Pinag-uusapan na sa ating Batasan
Senado at Kongres kampi sa Malacañang!
Kung ang Mindanao sa bandidos na nga
Hiwalay na ito sa Luzon, Visayas
Ganyan ba katanga itong ating mamamayan
Ang aagaw nito may paglilibingan!