MANILA, Philippines — Dalawang katao ang nasugatan sa sunog na sumiklab sa isang residential area sa Pasig City, kahapon.
Ang mga biktima ay nakilalang sina Severino Santonjos, 32, at Monette Dilapan, 17.
Batay sa ulat ng Pasig City Bureau of Fire Protection (BFP), nabatid na dakong alas-10:07 ng umaga nang sumiklab ang sunog sa residential area sa Caliwag St., Lusong Compound, Brgy. Pinagbuhatan, Pasig City.
Umabot ng ikalimang alarma ang sunog bago naideklarang fire under control dakong alas-11:09 ng umaga.
Naideklara naman itong fireout dakong alas-11:34 ng tanghali.
Inaalam pa naman ng mga awtoridad ang pinagmulan ng sunog, gayundin ang halaga ng mga ari-ariang tinupok nito.