MANILA, Philippines — Dead-on-the-spot ang isang Muay Thai intructor na binaril ng hindi pa kilalang gunman sa Las Piñas City, kamakalawa ng gabi.
Kinilala ni Las Piñas Police Station P/Colonel Jaime Santos ang biktima na si Alvin Garcia, 36, na nagtamo ng isang tama ng bala sa ulo.
Sa ulat, dakong alas-7:15 ng gabi nang maganap ang insidente sa panulukan ng St. Anne St. at Tramo Road, Zapote.
Habang sakay ng motorsiklo ang biktima ay lumutang ang gunman at pinuntiryang barilin sa ulo ang biktima.
Nahulog mula sa motorsiklo ang biktima na duguan ang ulo na namatay noon din.
Blangko pa ang pulisya sa motibo at pagkakilanlan ng salarin.
“Pinag-aaralan pa namin ‘yung footage, may CCTV at ‘yung cellphone ng biktima, dun muna kami magre-rely,” ani Col. Santos.