MANILA, Philippines – Sinuspinde ng pamunuan ng Department of Transportation (DOTr) ang pitong Private Emission Tes-ting Centers (PETCs) matapos matuklasang namemeke ng emission test results.
Ang pitong pinatawan ng suspension ay ang RQG Emission Test Center sa Barangay Kaunlaran, Quezon City; Clearview Emission Testing Center sa Barangay Kaunlaran, Quezon City; Mjas Emission Testing Center sa Barangay Balon Bato, Quezon City; Nicole Emission Testing Center sa Calamba City, Laguna; Sigma Sure Emission Tes-ting Center sa Sigma, Capiz; Nadine Emission Testing Center sa Alaminos, Laguna; at Espino Automotive System sa Malasiqui, Pangasinan.
Nabatid na epektibo ang suspensiyon sa loob ng 90-araw o tatlong buwan.
Pinadalhan na rin naman ng DOTr ng kopya ng suspension order ang mga naturang PETCs, gayundin ang kanilang Information Technology (IT) Service Provider.
Binalaan pa ng DOTr ang mga naturang IT Service Provider na itigil na ang pagpoproseso ng mga datos na ipinapadala sa kanila ng mga nasuspindeng kompanya upang hindi maharap sa kahalintulad na parusa.