MANILA, Philippines – Dinakip ng mga elemento ng Eastern Police District (EPD) ang isang dating Branch Manager ng isang banko sa Pasig City kaug-nay sa kasong P2 milyong qualified theft, may ilang taon na ang nakalilipas, ayon sa opisyal kahapon.
Kinilala ni P/ Lt. Col. Hermogenes Cabe, Officer in Charge ng District Mobile Force Battalion (DMFB) ng EPD ang nasakoteng suspect ay kinilala si Andrew Pano, alyas Drew, 45, residente ng Golden Mile Subdivision, Brgy. San Isidro, Cainta, Rizal.
Bandang alas-4:30 ng hapon nang masakote ang suspect matapos matunton ang pinagtataguan nito sa kaniyang bagong tahanan sa Cainta.
Ayon sa opisyal, si Pano ay dating Branch Manager ng isang sikat na banko ay inaresto sa kasong qualified theft base sa warrant of arrest na inisyu ni Judge Rowena de Juan-Quinagoran ng Regional Trial Court Branch 166 ng Pasig City noong Nobyembre 15, 2016.
Samantalang wala namang inirekomendang piyansa ang korte para sa pansamantalang kalayaan ng nasabing suspect.
Ang nasabing halaga ay bilang insurance placement sa RCBC.