MANILA, Philippines — Pansamantalang isinara ng pamunuan ng Gat An-dres Bonifacio Memorial Medical Center ang kanilang emergency room.
Ito ang kinumpirma ni Dr. Luisa Aquino, hospital director sa isang text messages.
Ayon kay Aquino, ang pagpapasara ay standard safety procedure and infection control protocol ng ospital kung may pasyenteng pinaghihinalaang infected ng meningococcemia.
Paliwanag ni Aquino, bagamat hindi nakakahawa ang meningo mas mainam na walang nakalalapit dito.
Sa simula ng pagkakasakit, ang taong may sakit na meningococcemia ay maaaring dumanas ng mataas na lagnat, pananakit ng ulo, ubo, sore throat, pananakit ng mga kalamnan, pagiging iritable, pagsusuka, may rashes na karamihan ay nasa binti.
Aniya, ang lahat ng mga precautionary measures ay ginagawa ng ospital upang maiwasan ang pagkalat nito.
Gayunman, normal naman ang hospital operational sa out-patient department.
Umaasa si Aquino na ngayong araw ay muling bubuksan ang kanilang ER.