MANILA, Philippines - Muling nagpaalala ang Commission on Election (Comelec) sa mga magpaparehistro sa synchronized barangay at Sangguniang Kabataan (SK) elections sa Oktubre 2017.
Ayon sa Comelec, tuloy ang pagtanggap ng mga aplikasyon ng mga mag-paparehistro para sa nasabing halalan.
Bukas ang kanilang mga tanggapan simula alas-8:00 ng umaga hanggang alas-5:00 ng hapon at huwag na umanong hintayin pa ang last minute o deadline sa pagpapa-rehistro sa Abril 29.
Umaabot na sa 2,174,601 na aplikasyon para sa voter’s registration ang natanggap na ng Comelec mula noong Nobyembre 2016 hanggang Marso, 2017.