MANILA, Philippines — Arestado sa isang buy-bust operation ang pinaghihinalaang tulak ng droga na Chinese sa lungsod ng Makati kagabi.
Nakilala ang suspek na si Xiao Min Chua alyas Henry Ong, 45, na nanunuluyan sa 137, 5th Avenue, Caloocan City.
Nakuhaan si Xiao ng limang kilo ng shabu na nagkakahalaga ng P15 milyon.
Nasakote ang Chinese matapos pagbentahan ng shabu ang undercover police agents sa parking area ng isang convenience store sa panulukan ng N. Garcia St. (Reposo) at Jupiter Street bandang 9:35 kagabi.
Nabawi rin kay Xiao ang isang puting Toyota Innova na may plakang TQJ-783 at ang P1.2-milyon marked money na ginamit sa operasyon.
Nahaharap sa kasong illegal drug possession and sale si Xiao sa Makati City Prosecutor's Office.