MANILA, Philippines – Isang mister ang pinag-tripang patayin sa saksak ng isang binatang siga-siga sa Pasay City kamakalawa ng gabi.
Dead on arrival sa San Juan De Dios Hospital si Alfredo Tuazon “alias Freddie”, 34, taga Mahogany St., Barangay 145, Zone 16, Santo Niño ng naturang lungsod. Nagtamo ito ng dalawang saksak sa dibdib.
Nakakulong naman sa Pasay City Police ang suspek na si Angelo Bamuya “alias Ling-Leng, 36, miyembro ng Sigue-Sigue Sputnik Gang, residente ng #2972 Int.42 Taft Ave., Barangay 145, Zone-16 nabanggit na lungsod.
Sa ulat na natanggap ni Pasay Police Chief, P/Sr. Supt. Joel B. Doria, naganap ang insidente alas-10:00 ng gabi sa Mahogany St., Barangay 145, Zone 16, Santo Niño.
Nabatid na siga-siga sa Pasay ang naturang suspek at dito niya namataan ang naglalakad na biktima at walang sabi-sabing sinaksak.
Hindi na umabot ng buhay sa ospital ang biktima habang ang suspect ay na-dakip ng rumespondeng mga pulis.