MANILA, Philippines – Isang lalaking guro sa elementarya na umano’y nang-abuso sa 10-taong gulang na batang lalaki ang inaresto ng awtoridad sa lungsod Quezon, ayon sa ulat ng pulisya kahapon.
Sa ulat ng Quezon City Police District Station 2, ang suspect ay nakilalang si Lester de Guzman, 30, English teacher at residente sa Road 3, Brgy. Project 6, sa lungsod.
Siya ay inaresto base sa reklamo ng nanay ng kanyang nabiktima na itinago sa pangalang Rolly, 10, out-of-school youth ng lungsod.
Sa imbestigasyon ni PO1 Ruby Rose Yumul, may-hawak ng kaso, nangyari ang insidente sa bahay ng suspect noong March 22, 2014, ganap na alas-7 ng gabi.
Bago ito, sinasabing inimbita ng guro ang biktima sa kanyang bahay kung saan nito sinamantala ang kabataan ng huli.
Diumano, dito ay inutusan anya ng suspect ang biktima na maghubad ng damit at pinaghahalikan ang biktima sa buong katawan hanggang sa isubo na nito ang ari ng menor-de-edad.
Ang naturang pangyayari ay nasaksihan umano ng dalawang estudyante ng suspect na itinago sa mga pangalang Marlon at Lorna.
Hanggang sa ipinagtapat ng biktima ang karanasan nito sa kanyang nanay sanhi para dumulog na sila sa himpilan ng barangay bago dinala ang reklamo sa himpilan ng pulisya.
Agad na nagsagawa ng follow-up operation ang tropa ng Station Women’s Children and Protection Desk sa pangunguna nina PO2 Randolf Olivar at PO2 Olinad Sugui ng PS2 at nagsagawa ng follow- up operation na nagresulta sa pagkakadakip sa suspect.
Kasong rape in relation to Republic act 7610 o child abuse ang kinakaharap ngayon ng suspect.