MANILA, Philippines — Utas ang isang 35-anyos na kargador nang barilin sa ulo ng hindi pa kilalang salarin habang nagpapahinga sa upuang kahoy sa Binondo, Maynila, kahapon ng umaga.
Ang biktima ay nakilalang si Charlie Maiso, miyembro ng Batang City Jail at residente ng Parola Compound, Binondo, Maynila ay binawian din ng buhay matapos isugod sa Justice Jose Abad Santos General Hospital.
Sa ulat ni SPO2 Jonathan Bautista ng Manila Police District-Homicide dakong alas-5:30 ng umaga nang barilin ang biktima sa panulukan ng Tabora St. at C.M Recto Avenue sakop ng Binondo.
Patuloy pang inaalam ang motibo sa krimen at ang pagkakakilanlan ng gunman.