MANILA, Philippines - Arestado ang isang pinaniniwalang big time drug pusher matapos na magsagawa ng buy bust operation, kamakalawa ng hapon sa Sta. Ana, Manila.
Kasong paglabag sa Republic Act 9165 Section 5 at 11 ,ang suspek na si Eric Gawat, 25, lider ng ‘Sigue Sigue Commando Gang’ at residente ng Medel St. sa Sta. Ana.
Sa ulat ni P/Supt. Robert. Domingo, Station Commander ng MPD-Sta. Ana Police Station 6 alas-2 ng hapon nang madakip sa inilatag na buy bust operation ang suspek ng mga tauhan ng Station Anti-Illegal Drugs sa panulukan ng Suter at Medel Sts. sa Sta. Ana.
Nabatid na bago naisagawa ang operasyon, ibinunyag ng lima sa mga naging kostumer ng suspek ang pakikipagtransakyon nito sa iba pang mga pushers at user.