MANILA, Philippines – Balik na sa normal ang operasyon ng Light Rail Transit (LRT) line 1 makaraang buksan sa publiko kahapon ng umaga ang isinarang Quirino Avenue LRT Station.
Ayon kay Atty. Hernando Cabrera, tagapagsalita ng LRTA, ganap na alas-9:10 ng umaga nang buksan sa mga commuters ang isinarang istasyon ng LRT.
Sinabi ni Cabrera, nang makalabas ang motorcade ni Pope Francis sa Apostolic Nunciature na siyang ginamit na official residence ng Santo Papa patungo sa Villamor Air Base ay agad nilang binuksan ang Quirino Avenue LRT Station.
Aniya, pagkabukas ng istasyon ay agad na sumakay ang maraming commuters na nanood ng huling motorcade ng Santo Papa.
Ang LRT-1 ang nag-uugnay sa Roosevelt Avenue sa Quezon City haggang Baclaran Station sa Parañaque.