MANILA, Philippines - Inilabas na ng Light Rail Transit Authority (LRTA) ang holiday schedule ng LRT Lines 1 at 2.
Ayon sa LRTA, sa Disyembre 24 ang kanilang Revenue Operating time ay mula Baclaran hanggang Roosevelt station (north-bound) ay mula alas-5:00 ng madaling-araw hanggang alas-8:00 ng gabi lamang mula sa dating alas-5:00 ng madaling-araw hanggang alas-9:00 ng gabi.
Ang biyahe naman mula Roosevelt hanggang Baclaran (south-bound) ay gagawing mula alas-5:00 ng madaling-araw hanggang alas-8:00 ng gabi mula sa dating alas-5:00 ng madaling-araw hanggang alas-9:30 ng gabi.
Sa Disyembre 31, 2014 naman, bibiyahe ang tren ng LRT-1 mula Baclaran hanggang Roosevelt Station ng mula alas-5:00 ng madaling-araw hanggang alas-7:00 ng gabi mula sa dating alas-5:00 ng madaling-araw hanggang alas-9:00 ng gabi.
Ang biyahe naman mula sa Roosevelt hanggang Baclaran Station sa nasabing araw ay gagawing mula alas-5:00 ng madaling-araw hanggang alas-7:00 ng gabi mula sa dating alas-5:00 ng madaling-araw hanggang alas-9:30 ng gabi.
Ang mga tren naman ng LRT Line 2 ay bibiyahe mula Santolan hanggang Recto Station (west-bound) ng mula alas-5:00 ng madaling-araw hanggang alas-8:00 ng gabi mula sa dating alas-5:00 ng madaling-araw hanggang alas-9:30 ng gabi sa Disyembre 24 habang ang tren mula sa Recto patungong Santolan (east-bound) ay bibiyahe ng mula alas-5:00 ng madaling-araw hanggang alas-8:30 ng gabi mula sa dating alas-5:00 ng madaling-araw hanggang alas-10:00 ng gabi.
Ginawa naman mula alas-5:00 ng madaling-araw hanggang alas-7:30 ng gabi ang biyahe ng Recto hanggang Santolan Station sa halip na mula alas-5:00 ng madaling-araw hanggang alas-10:00 ng gabi.