MANILA, Philippines – Mistulang nag-ala Superman ang isang hindi pa nakikilalang lalaki nang tumalon sa South bound lane ng Mc Arthur Bridge, kahapon ng madaling-araw sa Intramuros, Maynila.
Lasog ang katawan ng biktimang inilarawan sa edad 30 hanggang 35-anyos, may taas na 5’2’’; nakasuot ng stripe na t-shirt, jersy short na asul at walang sapin sa paa.
Batay sa ulat ni Det. Marlon San Pedro ng MPD-Homicide Section, alas -3 ng madaling araw nang makarinig ng malakas na kalabog ang isang empleyado ng Manila City Hall sa ibaba ng McArthur Bridge malapit sa dating Metropolitan Lawton, Intramuros, Maynila na pagkatapos ay doon na nakita ang nakahandusay na biktima.
Ang bangkay ng biktima ay pansamantalang inilagak sa St. Rich Funeral para sa awtopsiya.