MANILA, Philippines - Isang daang libong piso ang inilaang pabuya ng pamahalaang lungsod ng San Juan sa sinumang makapagbibigay ng impormasyon para sa ikaaaresto ng suspect na sangkot sa panghahalay at pagpatay sa 11-buwan sanggol sa nabanggit na lungsod noon nakalipas na Biyernes.
Ito ang inihayag ni Mayor Guia Gomez matapos na aprubahan ng city council ang pagbibigay ng reward matapos ang missing kahapon.
Umaasa si Gomez na sa pamamagitan ng inilabas na pabuya ay agad na madarakip ang suspect na unang kinilala ng pulisya.
Magugunitang ang karumal-dumal na krimen ay natuklasan noong nakalipas na Biyernes.
Ang beybi na biktima na kinilalang si Geralyn Cortez ay nagtamo ng matinding pinsala sa kanyang abdomen na umepekto rin sa kanyang atay. Bukod pa sa pinsalang nakita sa ari nito.
Ang biktima ay magugunitang natagpuan sa ilalim ng isang pampasaherong jeep na wala nang buhay sa may Don Ejercito St. sa Brgy. Tibagan sa San Juan.
Lumutang na rin ang mga magulang ng bata na nakilalang sina Ariel at Geraldine.
Bago matagpuan ang biktima na wala nang buhay ay nakunan pa ito ng CCTV na karga ng suspect.