MANILA, Philippines - Kritikal ngayon ang buhay ng isang lalaki makaraang pagsasaksakin ng kanyang bayaw na sumaklolo sa panggugulpi sa kapatid nitong babae, kamakalawa ng gabi sa Malabon City.
Isinugod sa Manila Central University Hospital ang biktimang si Bethelben Juat, 36, pedicab driver, habang pinaghahanap naman ang tumakas na suspek na si Reynaldo Mallo, 37, obrero, at kapwa residente ng Lansones St., Brgy. Potrero, ng naturang lungsod.
Sa ulat ng Malabon City Police, naganap ang pananaksak dakong alas-11 ng gabi sa loob ng bahay ng biktima.
Nabatid na bumisita si Mallo sa kanyang kapatid na babae na kinakasama ni Juat at naabutan ang dalawa na nag-aaway.
Tinawag ni Mallo ang kanyang bayaw para kausapin ngunit nang lumabas ito ng bahay ay bigla na lamang inundaÂyan ng saksak ng dalang patalim saka tumakas.
Nagsagawa naman kaagad ng follow-up opeÂration ang mga tauhan ng Police Community Precinct (PCP) 2 subalit nabigo silang madakip ang suspek.