MANILA, Philippines - Narekober ng mga tauhan ng Manila Traffic and Parking Bureau (MTPB) at Presidential Security Group ang kinarnap na SUV maÂtapos abandonahin ng mga karnaper kamakalawa ng gabi sa hangganan ng Maynila at Quezon City.
Nabatid na isang tricycle driver ang humingi ng tulong sa mga tauhan ng MTPB-Task Force Bravo kaugnay sa kinarnap na kulay itim na Toyota Hi-lux (conduction sticker YD 0899) mula sa driver na si Victorino Igros ng Sampaloc, Manila.
Agad namang rumesÂponde ang MTPB-Task Force Bravo sa pakikipagtulungan ng mga tauhan ng PSG.
Nagkahabulan sa pagitan ng mga karnaper na lulan ng pick-up at mga awtoridad hanggang sa makarating sa Cordillera Street ,Quezon City.
Dito na inabandona ng mga karnaper ang kinarnap na Toyota Hi-lux matapos itong sumalpok sa bahagi ng Barangay San Manuel, Quezon City kung saan wala namang nadakip na mga suspek.