MANILA, Philippines - Itinapon sa may kanal ang bangkay ng hindi pa nakikilaÂlang lalaki na hinihinalang biktima ng salvage, kahapon ng madaling-araw sa Malabon City.
Patuloy na inaalam ang pagkakakilanlan sa biktima na nasa pagitan ng edad 30-35 anyos, nakasuot ng itim na t-shirt, at cargo short pants.
Sa ulat ng Malabon Police, isang puting AUV taxi (asian utility vehicle) ang sumulpot sa may Guava Road, Brgy. PoÂtrero dakong ala-1:15 ng madaÂling araw at nakita ng mga residente na may itinapon sa kanal saka humarurot paalis.
Bigo naman ang mga saksi na makuha ang plaka ng sasakyan dahil sa madilim sa lugar.
Agad na itinawag ng mga residente ang insidente sa pulisya. Nang respondehan ang lugar, nadiskubre ang naturang bangkay na nakabalot ng duct tape ang mukha, nakagapos ang mga kamay at paa at may tama ng bala sa kanang tenga na tumagos sa noo.