MANILA, Philippines - Isa na namang baÂrangay captain ang nasawi makaraang tambangan ng riding-in-tandem habang ang una ay sakay ng kanyang sasakyan papunta sa barangay hall para sa kanilang flag raising cereÂmony kahapon ng umaga sa Caloocan City.
Namatay habang ginaÂgamot sa Manila Central University (MCU) Hospital sanhi ng tatlong tama ng bala sa katawan ang bikÂtimang si Alejandro BoniÂfacio, 54, residente at chairman ng Barangay 163 sa Sta. Quiteria ng lungsod.
Sa ulat ng Caloocan City Police, alas-8:00 ng umagaÂ, nasa passenger side ang biktima ng kanyang SUV at habang papunta sa baÂrangay hall nang biglang sumulpot ang mga suspect sakay ng isang motorsiklo na walang plaka at walang sabi-sabing pinaulanan ng bala ng baril ang biktima.
Matapos ang insidente ay mabilis na tumakas ang mga suspek habang agad din namang isinugod ang biktima sa pagamutan suÂbalit hindi na umabot pang buhay.
Inaalam na ng mga pulis kung may kinalaman sa pulitika, negosyo o personal ang dahilan ng panaÂnambang.
Noon lamang Biyernes ng gabi isang barangay chairman sa Batangas ang nasawi rin makaraang suÂmabog ang isang granada sa sinasakyan nitong van.Kasama nitong nasawi ang kanyang misis habang daÂlawa pa ang nasugatan.