MANILA, Philippines - Inaresto ng mga opeÂratiba ng Philippine Drug Enforcement Agency (PDEA) ang isa umanong teen actor at tatlo pa niyang mga kasama maÂtapos na mahuli sa akto na tumitira ng marijuana sa naganap na interÂnational music festival sa Clarkfield, Pampanga.
Ayon kay PDEA Director General Undersecretary Arturo G. Cacdac, Jr., ang 17-anyos na aktor ay kasama sa TV series, na “Galema†at dating kasama sa popular reality TV show. Habang ang ibang kasamahan nito ay kinilalang sina Juan Paulo Serafica, 19; Geano Dionisio, 23, pawang mga residente sa Quezon City; at isa pang 17-anyos na binatilyo.
Ang mga ito ay naÂdakip sa isinagawang 7107 International MusiÂc Festival, Global City, Clarkfield, Pampanga habang humihithit ng mariÂjuana sa music festival noong nakaraang Sabado, ganap na alas-11:45 ng gabi.
Isang stainless box na naglalaman ng pinatuyong dahon ng marijuana; isang piraso ng stick ng marijuana; at isang kulay asul na tableta na hinihinalang valium at isang smoking pipe na may residue ng marijuana ang nakumÂpiska mula sa nabanggit na mga suspek.
Kasong paglabag sa Section 11 (Possession of Dangerous Drugs) at Section 15 (Use of DangerÂous Drugs), Article II, ng Republic Act 9165, o ang Comprehensive Dangerous Drugs Act of 2002, ang inihandang isasampa sa korte laban sa mga suspects.
Habang ang dalawang binatilyo ay itinurn-over naman ng PDEA sa Department of Social Welfare and Development (DSWD), sa San Fernando, Pampanga.