MANILA, Philippines - Bigo man sa inilatag na buy-bust operation ang mga awtoridad, tagumpay pa rin sila sa pag-aresto sa isang Filipino-Chinese na sinasabing big-time drug trafficker na nagtangkang tumakas nang maamoy ang inilatag na bitag ng mga tauhan ng Philippine Drug Enforcement Agency (PDEA), kung saan naÂrekober sa kanyang saÂsakÂyan ang may 15 kilo ng shabu na tinatayang nagkakahalaga ng P75 milyon sa Ermita, Maynila, kahapon.
Pinipigil pa sa Manila Police District-Station 5, ang inarestong suspect na si Antonio Uy, residente ng Elcano St., Binondo, Maynila.
Sa inisyal na ulat SPO2 Boyet Leyva ng MPD Station 5, bandang alas-10:30 ng umaga nang maÂkipag-ugnayan ang grupo ng PDEA sa pangunguna ni Carlos Soriano kay MPD-Station 5 chief, P/Supt. Orlando Mirando.
Pasado alas-12:00 naman ng tanghali nang isagawa ang buy-bust opeÂration sa may bahagi ng Magsaysay Tower sa Roxas Boulevard.
Subalit sa nakatakdang operasyon, hindi umano tumuloy sa transaksiyon ang suspect na lulan ng Toyota Camry (ZBG-553) na kulay silver, nang makatunog na isiniset-up lang siya kaya humarurot papatakas.
Hinabol siya ng mga operatiba ng PDEA na lulan ng dalawang kotse at isang motorsiklo at pagdating sa bahagi ng Roxas BouleÂvard, ay doon pinaputukan ang hulihang bahagi ng sasakyan nito.
Nakorner na rin ang suspect sa panulukan ng San Andres at M.H. Del Pilar St., sa Ermita, kung saan inaÂresto ito at nasamsam ang nasabing iligal na droga na itinago sa isang itim na travelling bag sa loob ng dala nitong sasakyan.