MANILA, Philippines - Inabandona sa gilid ng kalye sa Mandaluyong City kahapon ng umaga ang isang di-kilalang lalaking hiniÂhinalang biktima ng salvage.
Inilarawan ang biktima na nasa edad 40-anyos, naka-posas ang mga kamay, may dalawang pakong nakabaon sa ulo at nakabalot ng packaging tape ang leeg.
Sa ulat ni PO3 Ambrosio Gan, ng Mandaluyong City Police, nabatid na dakong alas-5:00 ng madaling-araw nang mapansin ng mga residente ang bangkay ng biktima sa gilid ng kalye sa Brgy. Malamig, Mandaluyong City.
Kaagad namang inireport ng mga residente sa pulisya ang krimen upang maimbestigahan.
Inaalam na ng pulisya ang pagkakakilanlan sa biktima, na ang bangkay ay dinala sa Rizal Funeral parlor para sa awtopsiya at safekeeping.