MANILA, Philippines - Patay ang mag-live-in partner matapos na tambangan ng riding-in-tandem sa bahagi ng Tondo, Maynila, kamakalawa ng gabi.
Sina Edgardo Torres, 47, sidecar operator at Paula Mariz Uy, kapwa residente ng Cristobal St., Tondo, Maynila ay kapwa idineklarang dead-on-arrival sa Mary Johnston Hospital.
Masuwerte namang nakaligtas at walang tinamong sugat o galos ang 4-anyos nilang anak na babae.
Sa ulat ni PO3 LesteÂr Evangelista ng Manila Police District-Homicide Section, sakay ang mga biktima at kanilang anak sa kulay asul na motorsiklo (Yamaha 8984 TI) na bumabaybay sa Sta. Maria St. dakong alas-7:30 ng gabi nang dikitan ng isa pang motorsiklo na sakay ang dalawang suspect. Agad-agad na pinaÂulanan ng putok ng baril ng mga suspect ang mga biktima saka mabilis na nagsitakas.
Nagtamo ng dalawang tama ng bala sa kaliwang pisngi si Torres habang sa kaliwang kili-kili naman nabaril si Uy.
Inaalam pa ang moÂtibo at pagkakakilanlan ng mga suspect.Â
Magugunitang kamakailan lamang binaril din at napatay ang magka-live-in na sina Winebaldo Serrano, 52, engineer na nakatalaga sa Presidential Managament Staff sa Malacañang at kinaÂkasama nitong si LeÂticia Gundayao, 49, PruÂdencio St., Sampaloc, Maynila.