MANILA, Philippines - Naging matagumpay ang ginanap na Youth Summit sa Quezon City na pinangasiwaan ng tanggapan ni Vice Mayor Joy Belmonte nitong nakaraang weekend.
Layunin ng hakbang na makabuo ng mga paraan ang mga kabataan kung paano magiging isang productive na mamamayan, paano makatuÂtulong sa pagpapaunlad ng komunidad, makatulong sa mga kabataan at out-of-school youth na mabaling ang atensiyon sa ibang aktibidad at tuloy mapaunlad ang kanilang kaÂalaman.
May 600 kabataang opisyal at miyembro ng SK Federation at KK officers at member at iba pang kabataan mula sa anim na distrito sa lungsod ang nakiÂisa sa naturang summit na isinagawa sa Don Alejandro Sr. High School.
Dito, pinalaganap ang kahalagahan ng mga kabataan sa pagpapaunlad ng bansa at kung paano mamuno sa isang pamayanan at paghubog sa bawat mamamayang Pilipino para sa hinaharap.
Ipinanukala rin ng mga kabataan nakiisa sa summit na gawing 18 hanggang 21-anyos ang edad ng mga kabataang nais maging SK Chairman at mula edad 15 hanggang 21-anyos ang SK Kagawad at Katipunan ng Barangay member.