MANILA, Philippines - Isang lalaking beautician ang patay makaraang pagbaÂbarilin ng hindi mabatid na salarin sa lungsod Quezon kahapon ng madaling-araw. Ayon kay PO2 Dennis Llapitan, may-hawak ng kaso, blangko pa rin sila kung sino ang saÂlarin sa pagpatay sa biktimang si Wilfredo Radomes, 42, binata ng nasabing lungsod. Sa imbestigasyon ni Llapitan, nangyari ang insidente sa may harap ng Cebuana Lhullier pawnshop sa may kahabaan ng Riverside, Brgy. Commonwealth, ganap na ala-1 ng madaling-araw.
Sabi ng isang Mario Delmar, nasa loob sila ng kanilang bahay nang bigla na lamang umano silang nagising ng kanyang asawa ng putok ng baril mula sa labas. Nang tignan nila ang pinanggalingan ng putok ay saka nakita ang duguang katawan ng biktima habang nakahandusay sa kalye. Narekober sa lugar ang tatlong basyo ng bala ng kalibre 45 at isang depormadong bala nito. Patuloy ang imbestigasyon ng awtoridad sa nasabing insidente.