MANILA, Philippines - Ipinatupad na rin kahapon ng Metropolitan Manila Development Authority (MMDA) ang implementasyon nila sa pangatlong Bus Management Dispatch System (BMDS) sa ilang terminal sa Muntinlupa City.
Matatandaan na noong Enero, sinimulan ng MMDA ang implementasyon ng BMDS sa may Fairview bus terminal sa Quezon City at sinundan din sa Malabon City area.
Pinangunahan kahapon ni MMDA Chairman Francis Tolentino ang pagsisimula nang pagpapatupad ng BMDS sa South Terminal sa Alabang.
Layunin ng programa na maituro sa mga bus driver ang disiplina sa pagmamaneho at maiayos at organisado ang paglabas ng mga bus sa lansangan.
Sa pamamagitan na rin umano nito ay matitiyak ang kaligtasan ng mga comÂmuters na sumasakay sa mga pampublikong bus.
Sa ilalim ng BMDS, bago bumiyahe ang isang tsuper ay kailangan muna itong mag-finger scan para malaman kung may nakabinbin itong kaso o paglabag sa batas-trapiko.
Sakaling lumabas sa dataÂbase ng MMDA na may tatlo nang paglabag ang bus driver, hindi na muna ito pahihinÂtulutang bumiyahe.