MANILA, Philippines - Dinarayo at dinudumog ng mga magsasaka, magbababoy, magmamanok at maging ang mga ina ng tahanan ang Agri Techno demo forum na inorganisa ni Francis Cansino ng Radyo ng Bayan (DZRB).
Ang forum ay isinasagawa tuwing ikatlong linggo ng buwan sa Bernies Garden sa Parks and Wildlife, sa Quezon City.
Libre ang nasabing forum na nagbibigay ng seminar sa tamang pag-aalaga ng baboy, manok, pagtatanim ng organic na gulay prutas at iba pa.
Katuwang ni Francis Cansino si Dr. Nilo Dela Cruz na mula sa Nueva Ecija at iba pang iniimbitahan personalidad na dalubhasa sa livestock and poultry raiser upang magturo ng walang bayad sa mga nagnanais matuto ng mga kaalaman sa paghahayupan at pagsasaka sa organikong pamamaraan.
Nitong nakalipas na Sabado (June 15) ay naÂging panauhin ng Agri Techno demo forum si Department of Agriculture (DA) Assistantant Sec. Dave Gatbagan kung saan ay inilatag nito ang mga programa ng DA na magbibigay ng tulong at suporta sa bawat individual at grupo na nagnanais tuÂmingkad ang kaalaman sa paghahayupan.
Dumalo rin sa furom si Jenny Castaneto ng DA Technology and Commercialized Division kung saan ay inilatag nito programa ng pamahalaan na nagbibigay ng libreng binhi ng Soya upang mapalawak sa bansa ang pagtatanim nito na may mataas na bitamina at protina.
Ang soya na tinawag na ‘wonder crop’ ay inaangkat pa sa ibang bansa pero ngayon ay unti-unti na itong pinapaÂlawak sa Pilipinas.