MANILA, Philippines - Siyam katao ang iniulat na nasugatan kabilang ang isang buntis makaraang araruhin ang isang lama yan ng isang delivery truck kamakalawa ng gabi sa Makati City.
Isinugod sa pagamutan ang mga biktima kabilang ang buntis na si Zaira Castro, Lilibeth de Castro, Sharmaine Carandang, Leny de Castro, Rachel Corra, Tristan del Rosario, Mike Chester del Rosario, Neil Olegario at Mark Angelo Olegario.
Arestado naman ang driver ng nakabundol na delivery van (RLZ-323) na si Ismael Macay, ng Dona Pedro Street, Brgy. Poblacion, ng naturang lungsod.
Ayon kay SPO1 DaÂniel Semproc, ng Makati Police-Traffic Management Unit, binabagtas ni Macay ang JP Rizal Street nang mawalan ng kontrol at mabundol ang grupo ng tao na naglalamay sa may kanto ng Bernardio Street.
Depensa naman ni MaÂcay, iniwasan umano niya ang isang lalaki na biglang tumawid sa lugar kaya bigla niyang nakabig ang manibela at mabundol ang mga nagÂlalamay sa gilid ng kalsada.
Hindi naman paniwala dito ang mga pulis dahil sa hinalang nasa impluwensya ng alak si Macay makaraang isailalim ito sa “breath analyzerâ€. Nahaharap ngayon ang suspek sa patung-patong na mga kaso.