MANILA, Philippines - Dalawang lalaki ang naÂitala ng Southern Police District (SPD) na pinaslang sa pamamagitan ng pagbaril sa magkahiwalay na insidente sa lungsod ng Pasay at Makati.
Nagtamo ng iba’t-ibang tama ng bala sa katawan at ulo ang unang biktima na nakilalang si Robby Castuera, 33, tricycle driver at residente ng Vergel St., Pasay.
Nabatid na dakong alas-3:45 kamakalawa ng hapon nang umalingawngaw ang sunud-sunod na putok ng baril sa may Vergel St., malapit sa I. Reyes St. sa naturang lungsod at natagpuan ang dugu ang bangkay ni Castuera.
Tumanggi namang magsalita ang mga nakasaksi sa krimen at maging ang pamilya ng biktima ay tikom din ang bibig sa pangamba na baka sila ang balikan ng salarin.
Dakong alas-3:40 naman kahapon ng madaling-araw nang madiskubre ang bangkay ni Luis Miguel Balicod, 24, tattoo artist at residente ng Lot 10, Blk 3, Zone 14, Brgy. Pembo sa kanto ng AguiÂnaldo at Aquino St., Brgy. Rizal sa Makati City.
Bukod sa tadtad din ng tama ng bala ng kalibre .9mm sa katawan, nilaslas pa ng hindi pa kilalang salarin ang leeg ng biktima na agad nitong ikinamatay.
Inaalam na ng pulisya kung may kaugnayan sa illeÂgal na droga ang magkahiwalay na insidente ng pamamaslang dahil kilala umano ang naturang mga lugar na madalas ang pagkakaroon ng transaksiyon sa ipinagbabawal na gamot.