MANILA, Philippines - Patay ang isang 12-anyos na batang lalaki, habang nilalapatan pa ng lunas ang nakaÂtatandang kapatid nito nang ma-suffocate sa loob ng kanilang unit na nasusunog sa condomiÂnium sa Binondo, Maynila, kahapon ng tanghali.
Hindi na nailigtas ang buhay nang isugod sa Metropolitan Medical Center ang biktimang si Kevin Uy Ng, residente ng Unit 501 Peace Building, San Nicolas St., Binondo, bunga ng suffocation.
Tagumpay namang nai-revive ang wala ring malay na si Shannan Nicole Uy, 13-anyos, nang dalhin sa Justice Abad Santos Mother and Child Hospital. Ililipat umano ito sa Chinese General Hospital para sa tuluyang paggaling.
Sa naging pahayag ng isa sa rumesponÂdeng residente ng lugar, na kinilalang si Mark Angelo Ong, may naÂrinig silang humihingi ng tulong at nang puntahan ang unit ng mga biktima ay naka-padlock ito kaya sinipa nila upang puwerÂsahang buksan, kung saan sumalubong ang napakakapal na usok.
Nakatalukbong ng kumot ang magkapatid at walang malay nang kanilang dalhin sa paÂgamutan.
Ayon kay Chief InsÂpector Bonifacio Carta, hepe ng investigation division ng Manila Fire District, nasa kalahaÂting milyong piso ang inabot ng nasunog na conÂdominium.
Nabatid na ang mga magulang ng magkaÂpatid ay iniwan sila upang mag-asikaso ng kanilang tindahan sa erya din ng Binondo.
Umabot sa ika-3 alarma ang sunog at naÂapula makalipas ang mahigit isang oras, na nagsimula alas-11:54 at naideklarang fire-out alas-12:39.