MANILA, Philippines - Sa unang pagkakataon, nagsama-sama ang lahat na mga sector at partylist groups upang suportahan ang kandidatura ni Ricojudge “RJ†Echiverri ng Liberal Party sa pagka-mayor ng Caloocan City. Pinangunahan ni Echiverri ang isang Multi-Sectoral ConÂvergence Meeting sa Bagong Silang Caloocan City na dinaluhan ng Pilipinos With Disabilities, Sanlakas, Kabagis, Ating Guro, Agham, ACT-CIS, Abakada, Bagong Henerasyon, Akbayan, AMA (Senior Citizens), Bayan Muna, 1-Sagip, PISTON, Akap-Bata at marami pang ibang grupo.
Sa nasabing programa ay nagkaroon ng open forum, na kung saan binigyan ng pagkakataon na makapagtanong kay Echiverri kung ano ang magagawa niya para sa mga sektor na napag-iiwanan katulad ng may mga kapansanan at senior citizens kapag sila ay mahalal na.
Agad namang sinagot ni Echiverri ang lahat na mga tanong ng mga may kapansanan lalo na ang pagbibigay ng lubos na atensyon sa kanilang sektor lalo na ang pagbibigay ng sarili nilang tanggapan sa bawat barangay ng lungsod ng Caloocan.
Tiniyak din ni Echiverri ang pagtulong sa mga may problema sa National Housing Authority (NHA) kapag sila na ang nakaupo ay pagtutulungan pa nila ng kanyang ama na si Enrico “Recom†Echiverri para lalong mapabilis ang mga programang pabahay. Sentro din ng nasabing pagtitipon ang paglagda ng mga pangunahing personalidad sa Ten-Point Agenda ang mga pagtugon sa mga pangangailangan ng mga may kapansanan, lalo na ang pagbibigay ng sariling tanggapan sa kanila at pagbibigay ng sarili nilang pondo.