MANILA, Philippines - Hinoldap, iginapos at sinakÂsak bago itinapon ang isang taxi driver ng dalawang hindi pa kilalang naging pasahero nito, kamakalawa ng gabi sa Navotas City. Ginagamot sa Tondo MeÂdical Center sanhi ng saksak sa mga kamay ang biktimang si Noel Villanueva, 49, ng P. Benites St., Paco, Manila.
Sa pahayag ng biktima sa mga kagawad ng Navotas City Police, dakong alas-7:30 ng gabi, naisakay niya sa piÂnaÂpasadang taxi Route 97 (UVD-998) sa E. Rodriguez Avenue, Quezon City ang daÂlawang susÂpect at nagpahatid sa Mauban St., ng naturang lungsod. Pasapit sa nasabing lugar ay naglabas ng patalim ang mga suspect at nagdeklara ng holdap.
Nilimas ng mga suspect ang P2,100 kinita ng biktima at wallet na naglalaman ng lisensiya at Cherry Mobile na cellphone. Iginapos ng packaÂging tape ang mga kamay, paa at mukha ng driver bago pinahiga sa sahig ng taxi at naÂramdaman ni Villanueva na buÂmiyahe sila ng ilang sandali.
Habang nasa biyahe, isa sa mga suspek ang umunday ng saksak sa dibdib ng biktima subalit masuwerteng sa mga kamay tumama na naÂging dahilan upang magkunwaring patay si Villanueva.
Pagsapit sa Virgo Drive, North Bay Boulevard South, Navotas City ay inihulog sa taxi ang biktima bago tumakas ang mga suspect dala ang taxi. Ilang residente ang nakaÂkita sa biktima na naÂging dahilan upang kalagan at samahan sa presinto bago dinala sa nabanggit na ospital.