MANILA, Philippines - Isang commercial-residential building ang tinupok ng panibagong sunog na sumiklab sa kanto ng Taft Avenue at Protacio St., sa Pasay City kahapon ng madaling-araw.
Dakong alas-5:15 ng madaling-araw nang sumiklab ang apoy sa gusali na pag-aari ng isang Antonio Tan.
Ayon kay P/Sr. Insp. Antonio Sotomayor, hepe ng Police Community Precinct 4, nagpapatrulya sila ng natuÂrang oras nang mapansin ang makapal na apoy na nagmumula sa ikalawang palapag ng Sky-One Cycle Supply shop sa naturang gusali.
Mabilis na kumalat ang apoy sa katabing establisimento na tindahan at imbakan naman ng mga linoleum at foam. Nadamay rin ang mga apartment units sa naturang gusali.
Dakong alas-10 na ng tanghali nang tuluyang maÂdeklarang “fire-out†ang sunog. Nahirapan ang mga pamatay-sunog na agad na maapula ang apoy dahil sa mga kemikal na nakaimbak at plastic na natupok sa loob ng gusali.
Wala namang naiulat na nasawi sa insidente ngunit isang fire volunteer na si Carlo Deguero ang umano’y nasuÂgatan makaraang matilansikan ng nabasag na salamin.