MANILA, Philippines - Utas ang isang pedicab driver na isang ex-convict makaraang saksakin ng dati niyang kosa nang matuloy ang namuong alitan sa piitan hanggang sa kanilang paglaya sa Tondo, Maynila, iniulat kahapon.
Dead-on-arrival sa Gat Andres Bonifacio Memorial Medical Center ang biktimang si Vicente Dominguez, 30, pedicab driver at miyembro ng Sigue-Sigue Commando at residente ng Mata St.,Tondo. Nakatakas naman ang suspect na kinilalang si Honard Gregorio, alyas Toto, 22, ng Mata St., sa Tondo.
Sa ulat dakong alas-2:00 ng hapon nang maganap ang insiÂdente sa panulukan ng Daisy at San Sebastian Sts., sa Tondo.
Nabatid na ang dalawa ay dating magkasama sa piitan at sa loob sila unang nagkaroon ng alitan.
Unang lumaya ang suspect at nang makalabas na ng kulungan si Dominguez, muling nagkita ang dalawa sa kanilang lugar at muling nabuhay ang kanilang alitan sa loob.
Unang nagkasuntukan ang dalawa na naawat naman ng mga tambay, subalit nang maisipang magpahinga sa tambayan ng biktima ay doon na siya tinarakan sa dibdib ng ilang ulit ng suspect bago tumakas.