MANILA, Philippines - Isang electrician ang nasawi nang pagtulungang saksakin ng kanyang dalawang kainuman kahapon ng madaling-araw sa Caloocan City.
Dead-on-the-spot sanhi ng mga saksak sa katawan ang biktimang si Reynaldo Olaybar, 47, ng Bagong Barrio ng lungsod. Pinaghahanap naman ng mga pulis ang mga suspek na sina Joseph Padilla, 55; at Richard Bacunaoa, 30, kapwa kalugar ng biktima.
Lumalabas sa inisyal na pagsisiyasat ng pulisya, naganap ang insidente dakong ala-1:00 ng madaling-araw malapit sa bahay ng biktima.
Nabatid na nakikipag-inuman ang biktima sa mga suspek, nang magkaroon ng pagtatalo.
Nagkampihan ang mga suspek at walang salitang nagbunot ng patalim ang mga ito hanggang sa pinagtulungang saksakin ang biktima na naging dahilan ng agaran nitong kamatayan. Matapos ang insidente ay tumakas ang mga suspek.