Dear Dr. Love,
Ako po si Kanor. Nangangamba ang misis ko na ipagpalit ko na raw siya sa iba, dahil mataba na raw siya. Baka hindi ko na raw siya mahal dahil sumobrang laki na niya. Alam ko naman ‘yun, kapag ang babae ay nanganak may tendency na tumaba.
Umiiyak minsan si misis. Sabi pa niya, basta sabihin ko lang daw na ayoko na sa kanya, papayagan daw niya ako.
Hindi naman ako ganon. Mahal ko ang misis ko. Hindi man bumalik ang hugis ng kanyang katawan, ok lang. Ang totoo, mas minahal ko nga siya ngayon. Gusto kong patunayan ‘yun lalo na’t malapit na ang anniversary namin. Walang makapagpapabago ng pagtingin ko sa kanya, kahit tumanda pa siya.
Kanor
Dear Kanor,
Malamang matutuwa ang misis mo kapag nabasa niya ang ibinahagi mo.
Sana marami pang tulad mo, tapat at tunay magmahal kahit anuman ang mangyari.
Aanhin nga naman ang maganda, mas bata at mas sexy kung wala naman ang tunay na pagmamahal?
DR. LOVE