Dear Dr. Love,
Ipinararating ko sa iyo ang isang maalab na pagbati. Lagi akong nagbabasa ng iyong column at kulang ang araw ko kapag hindi ko natunghayan ito.
Tawagin mo na lang akong Merle, 28-anyos at problema ko ang aking asawang sugarol.
Limang taon na kaming kasal at may dalawang anak. Nagulat na lamang ako na ang titulo ng bahay at lupa namin ay nakasanla na at ito’y nang tumanggap ako ng notice na mareremata na ito.
Kaya pala pati ang mga alahas niya na regalo sa kanya ng aking mga magulang ay isa-isang nawawala. Lagi pala siyang laman ng casino.
Ano ang dapat kong gawin?
Merle
Dear Merle,
Ang pagkalulong sa sugal ay para ring pagÂkagumon sa droga.
Maaaring nangangailangan ng professional help ang mister mo. Tulad din ng mga lulong sa alak, droga at iba pang bisyo, kailangan sa mister mo ang rehab.
Bago iyan, sumangguni ka munang mag-isa sa sino mang clinical psychologist o psychiatrist para malaman ang tamang approach sa paghimok sa kanyang magpapa-rehabilitate.
Dr. Love