MANILA, Philippines — Sinibak na sa tungkulin ng Office of the Ombudsman si Bureau of Fisheries and Aquatic Resources Director Demosthenes Escoto dahil sa kasong katiwalian.
Ito ay matapos mapatunayan ng Ombudsman na guilty sa kasong grave misconduct si Escoto na nag-ugat sa kasong katiwalian na naisampa dito laban sa naturang opisyal.
Ang kaso ni Escoto ay may kinalaman sa pagbili ng BFAR ng mga communications equipment noong 2018.
Dahil dito, itinalaga ni Agriculture Secretary Francisco P. Tiu Laurel, Jr bilang officer-in-charge ng BFAR si Isidro Velayo, Jr. na dating national coordinator ng seaweed program ng BFAR. Si Velayo ay naging regional director ng BFAR Zamboanga Peninsula.