MANILA, Philippines — Swerteng napalanunan ng nag-iisang mananaya ang P35.5 milyong jackpot prize ng Megalotto 6/45 nitong Lunes, ayon sa pahayag ng Philippine Charity Sweepstakes Office.
Kahapon lang kasi nang mabunot ang winning combination sa lotto na: 26-40-06-12-44-14.
"One (1) winning ticket was bought in Magsaysay St., Brgy. Eastern, Wao, Lanao del Sur," wika ng PCSO sa Facebook ngayong Martes.
Sa kabila nito, walang nakakuha ng winning combination na 28-10-01-35-30-48 kahapon para sa Grand Lotto 6/55.
Nagkakahalaga ang naturang laro ng P38.43 milyon.
Bagama't malaki, hindi maiuuwi nang buong-buo ng mananaya mula Mindanao ang P35,502,637.60 jackpot. Kinakailangan pa kasi itong buwisan ng gobyerno.
"Prizes above P10,000.000 are subject to 20% tax pursuant to [Tax Reform for Acceleration and Inclusion] Law," paliwanag ng PCSO.
"All winnings should be claimed within one year from the date of the draw otherwise the same would be forfeited to form part of the Charity Fund." — James Relativo