MANILA, Philippines — Tiniyak ni Philippine consul General Elmer Cato sa New York na walang Filipino na nadamay sa shooting incident sa New York kahapon.
Sa twitter post ni Cato, sinabi niya na walang natanggap ang consulate ng ulat na mayroong Pinoy na nasaktan sa grocery shooting kung saan 10 katao ang nasawi at 3 pa ang nasugatan.
Sa ulat naman ni Buffalo Police Commissioner Joseph Gramaglia na ang shooting incident sa Tops supermarket ay nagresulta sa pagkamatay at pagkasugat ng 11 African-Americans.
Inilarawan naman ng mga otoridad ang nasabing insidente bilang “hate crime’ at “case of racially motivated violent extemism”.
Kinilala naman ang gunman na si Payton Gendron na mula sa Conklin sa New York.
Si Gendron ay na-arrained na sa kasong first degree murder at kasalukuyang nakakulong at walang inirekomendang piyansa.