MANILA, Philippines — Inamin kahapon ni San Juan City Rep. Ronaldo Zamora na dalawang beses siyang nabigyan ng booster shots matapos maturukan na ng dalawang doses ng Sinopharm noong 2020.
Sa ilang mga public event na kaniyang dinaluhan sa lungsod ng San Juan, sinabi ni Zamora na nagtatalumpati siya ng hindi na kailangang magsuot ng face mask dahil apat na beses na siyang nabakunahan.
Nakumpleto niya ang 2 doses ng Sinopharm vaccine noong nakalipas na Disyembre.
Pinayuhan umano siya ng kaniyang doktor na magpaturok ng dalawang booster shots dahil isa siyang ‘immunodeficient”. Ipinagmalaki pa ni Zamora na Pfizer ang kaniyang booster shots.
Sa kasalukuyan ay wala pang ibinibigay na go signal ang pamahalaan sa mga ‘fully vaccinated‘ na magpaturok ng dalawang doses sa anumang uri ng booster shot.