Legazpi City, Philippines — Bulagta sa tabi ng kalsada ang isang hininalang pusakal na gunrunner at tulak ng droga matapos na makipagbarilan habang nakikipaghabulan sa mga pulis makaraang tumakas sa inilatag na buy bust operation laban sa kanya at sa isa pang hindi nakilalang suspek sa Zone 6, Sitio Benodegahan, Brgy. Cabanbanan sa Balatan, Camarines Sur kamakalawa ng umaga.
Napuruhan sa ibat-ibang bahagi ng katawan ang suspek na si Muhammad Samid alyas “Badjao”, nasa hustong gulang at residente ng Brgy. San Jose, Iriga City. Nabawi sa kanya ang isang high powered shotgun, Kalibre 38 Revolver at ilang sachet ng shabu.Nakatakas naman ang hindi nakilalang kasama na nagmamaneho ng motorsiklo.