MANILA, Philippines — Itinaas ni Pangulong Rodrigo Duterte sa P50 milyon ang reward sa makakaimbento ng bakuna kontra COVID-19.
Sinabi ng Pangulo na mula sa P10 milyon ay gagawin niya itong P50 milyon dahil tiyak naman na isang grupo at hindi lang isang tao ang magtutulong-tulong para gumawa ng bakuna.
Muling binanggit ng Pangulo na tatanggalin kaagad niya ang enhanced community quarantine sa sandaling may madiskubreng bakuna.
Idinagdag ni Duterte na dapat tanggapin ng sinumang makakadiskubre ang reward kahit pa para sa bayan ang ginawa ng mga ito.
Ibibigay din lang aniya ang P50 milyon kung Filipino ang makakadiskubre ng bakuna.
Sa huli ay ipinahiwatig ni Duterte na matatapos lamang ang problema na dala ng COVID-19 kapag may naimbento ng bakuna.
Related video: