MANILA, Philippines — Para mapabilis ang proseso at pagpapatibay sa 2021 national budget, magsasagawa muna ng konsultasyon ang Kamara at Senado.
Sinabi ni House Speaker Alan Peter Cayetano na, para sa matiwasay na proseso ng paghahanda at pagapruba sa pambansang pondo, magkakaroon muna ng pagbalangkas ang ehekutibo at lehislatibo.
Sinabi naman ni House Majority Leader Martin Romualdez na ang hakbang na ito ay salig lamang din sa constitutional mandate na ang “power of the purse” ay nasa Kongreso.
Para naman kay Cavite Rep. Elpidio Barzaga, kapag may close coordination ang lehislatura at ehekutibo ay masisisguro na walang mabi-veto sa nasabing panukala.